မြန်မာ့အရေးကို ကမ္ဘာကသိအောင် ၎င်း၏ပလက်ဖောင်းများမှတစ်ဆင့် ကြိုးပမ်းသွားမည်ဟု UFC ဖလိုင်းဝိတ်ချန်ပီယံ ဂျိုရှုအာဗန် ပြောကြား
UFC ဖလိုင်းဝိတ်ချန်ပီယံ ဂျိုရှုအာဗန် (Joshua Van) က ၎င်း၏ မွေးရပ်မြေဖြစ်သော မြန်မာနိုင်ငံသို့ ပြန်ချင်သော်လည်း လက်ရှိတွင် စစ်တပ်၏ အကြမ်းဖက်လုပ်ရပ်များကြောင့် ပြန်ရန်ခက်ခဲနေကြောင်းနှင့် မြန်မာပြည်သူများ ကြုံတွေ့နေရသည့် အခြေအနေများကို ကမ္ဘာကသိရှိလာစေရန် ၎င်း၏ ပလက်ဖောင်းများမှတစ်ဆင့် အဓိကထား ပြောဆိုသွားမည်ဖြစ်ကြောင်း ထုတ်ဖော်ပြောကြားလိုက်သည်။
ဂျိုရှုအာဗန်က မြန်မာနိုင်ငံ၏ လက်ရှိအခြေအနေနှင့် ပတ်သက်၍ ၎င်း၏ ခံစားချက်ကို ယခုလို ဖွင့်ဟပြောဆိုထားသည်။
"ကျွန်တော်အိမ်ပြန်ချင်တာပေါ့။ ဒါပေမယ့် လက်ရှိအချိန်မှာ စစ်တပ်က အရူးလိုပဲ ကလေးတွေ၊ အပြစ်မဲ့ပြည်သူတွေကိုပါ သတ်နေတာ။ စစ်တပ်က ကျွန်တော်တို့ သမ္မတကို အဓမ္မ ဖမ်းပြီး အာဏာသိမ်းဖို့ ကြိုးစားနေတာ။"
ထို့အပြင် ၎င်းက သူ၏ အားကစားအောင်မြင်မှုနှင့် ဩဇာလွှမ်းမိုးနိုင်မှုကို အသုံးပြုကာ မြန်မာပြည်သူများအတွက် အသံထွက်ပေးသွားမည့် သူ၏ အဓိကရည်မှန်းချက်ကိုလည်း ဆက်လက်၍ အခိုင်အမာ ပြောကြားခဲ့သည်။
"ဒါတွေကို ကမ္ဘာကသိအောင်၊ ကမ္ဘာကြီးဆီက အကူအညီတွေရအောင် ကျွန်တော့် ပလက်ဖောင်းတွေကနေ ပြောဖို့က ကျွန်တော့်ရဲ့ အဓိက ရည်မှန်းချက်ပဲ။"
ဂျိုရှုအာဗန်သည် နိုင်ငံတကာ အားကစားစင်မြင့်ထက်တွင် အောင်မြင်မှုရရှိထားသည့် ချန်ပီယံတစ်ဦးဖြစ်ပြီး ယခုကဲ့သို့ ရဲရဲဝံ့ဝံ့ ထုတ်ဖော်ပြောကြားလိုက်ခြင်းဖြင့် မြန်မာနိုင်ငံ၏ အခြေအနေများကို နိုင်ငံတကာ အသိုင်းအဝိုင်းက ပိုမိုအာရုံစိုက်လာစေရန်နှင့် မြန်မာပြည်သူများအတွက် လိုအပ်သည့် အကူအညီများ ရရှိလာစေရန် တိုက်တွန်းလှုံ့ဆော်လျက်ရှိသည်။
.
.
#ဂျိုရှုအာဗန်
No comments:
Post a Comment